لاعب الزمالك السابق يوجه رسالة للمسؤولين بسبب البطولة العربية

وجه محمد رمضان هتلر لاعب نادي الزمالك لكرة اليد المعتزل، رسالة إلى المسؤولين، بعد تهديد حلم مشاركة الفريق في البطولة العربية للأندية لكرة اليد.

وأصبحت مشاركة الزمالك في النسخة الـ 38 من البطولة العربية للأندية لكرة اليد مهددة، بسبب الأزمة المالية الطاحنة التي يمر بها النادي في الفترة الحالية.

وكتب هتلر عبر صفحته :” أنا مش قادر أسكت على اللي بيحصل فى النادى اللي بحبه وبعشقه وتمنيت ألعب فيه وكان ليا الشرف إنى أمثله وأرفع رايته فوق وعلى منصات التتويج “.

وأضاف:” اللي بيحصل فيه كتير وكتير جدًا فرقة الكوماندوز عندها بطولة عربية لغاية وقتنا هذا مش عارفين هيطلعو ولا لا، عقود مش معتمدة تقريبا الفرقة كلها ما اتسجلتش، وكل فرق النادي على هذا النحو “.

وواصل هتلر:” الناس اللي مسئولة عن الرياضة ساكتين ليه مقيدين الأيدى ليه بدون مبرر رموز النادي الكبار جدا ساكتين ليه على حال النادى الناس كلها لازم تتحرك الناس “.

وأكمل:” اللي بتحب النادى من قلبها لازم تتحرك النادى بقا دولة طالعة من حرب وكله بيتفرج عليه مستنى ينتهى مثلا، أنا بناشد اللجنة الأولمبية ووزير الرياضة والاتحادات الرياضية جميعا “.

واختتم:” رموز النادى الكبار وكبار جدا يقدرو يغيرو الواقع بعد فضل الله عز وجل عشان مصلحة مصر نادى الزمالك قلعة رياضية كبيرة وتقريبا ٥٠ ٪ من لعيبة المنتخبات من نادى الزمالك لازم نتحرك ومن دلوقتى رجاء “.