إكرامي: ألغيت متابعة حسابات الأهلي بسبب رمضان صبحي

أوضح شريف إكرامي حارس مرمى الفريق الأول لكرة القدم بنادي بيراميدز، السبب وراء إلغاء متابعة حسابات النادي الأهلي عبر مواقع التواصل الاجتماعي.

وقال اكرامي في تصريحات تليفزيونية عبر قناة أون تايم سبورت، “قررت إلغاء متابعة حسابات النادي الأهلي على السوشيال ميديا، بسبب لغة التعصب التي ظهرت عليها بعد أزمة رمضان صبحي”.

وأكد، “أتابع جميع الأحداث، أنا أهلاوي مش متعصب وبحب الأهلي عن قناعة، لما بغلط بقول أنا غلطان، مقتنع بإن ليه النادي الأهلي كبير، عيشت كل هذه الأمور في الأهلي، وتربيت عليها، الأهلي علمنا أننا منبقاش شماتين، ودايما راسنا مرفوعة”.

وتابع، “مكنتش عايز أشوف سوشيال ميديا الأهلي بالشكل ده، واتضايق، مش خوفاً من اللي هيتقال عليا، اتقال عليا كتير بعد أزمة رمضان، رغم ان اتقال عكسها قبلها بشهور”.

واضاف، “لم أندم على ما كتبته على تويتر، واتعلمت في الأهلي إننا نولع جوه أوضة اللبس بس منطلعش ده بره، وتركت الأهلي عن قناعة”.