رد ناري من اتحاد الكرة على اتهامات الخطيب وموقفهم من الاستقالة
رد جمال علام رئيس الاتحاد المصري لكرة القدم، على الاتهامات التي وجهها لهم محمود الخطيب رئيس النادي الأهلي، والتي اتهمهم من خلالها بعدم مساندة الأهلي والتفريط في حقه بشأن أزمة نهائي دوري أبطال أفريقيا.
وقال علام في تصريحات تليفزيونية ردًا على الخطيب: “مينفعش حد يقول علينا بنخبي جوابات، في حملة معمولة علينا اليومين دول عشان نمشي عشان اللي قبلينا يرجع تاني”.
وأوضح: “كان الأهلي لازم هو اللي يطالب باستضافة نهائي دوري أبطال أفريقيا، الاتحاد مطلبش استضافة النهائي الموسم اللي فات في مصر والأهلي راح المغرب”.
وأضاف: “اللي جابونا جمعية عمومية واللي يمشينا جمعية عمومية، مش عارف ايه سر الهجوم علينا”.
وشدد: “تحت قيادة رئيس الجمهورية أحنا مبنخافش من حد، ولا من الاتحاد الدولي ولا من الاتحاد الأفريقي أحنا بنتكلم باسم مصر”.
وواصل: “فكرنا نستقيل؟ ليه نستقيل؟ لو كل اتحاد هيتحاسب على ماتش بيخسره مش هتلاقي اتحاد كورة، أحنا عايزين استقرار”.
وأتم: “600 مليون جنيه مديونية اتحاد الكرة، في كلام كتير مش عايز أقوله ولو في لجنة تقصي حقائق من رئاسة الجمهورية هقولهم على كل حاجة”.
