حسن شحاتة يفتح النار على مسؤولي الكرة المصرية
شن حسن شحاتة المدير الفني التاريخي لمنتخب مصر هجومًا ناريًا على مسؤولي الكرة المصرية بسبب حالة التخبط الإداري التي تشهدها المنظومة الكروية خلال الفترة الأخيرة.
وقال شحاتة في تصريحات تليفزيونية: “الفترة الحالية للمنتخب؟ لو اتكلمت هغلط في ناس كتيرة جدًا.. وأنا مش عايز أغلط في حد.. أحنا ماشيين بشكل غريب.. اتحاد الكرة واختيار المدربين الموضوع عشوائي والحل لازم يتعمل خطة طويلة الأجل مش قصيرة الأجل”.
وأضاف: “لازم يتحط خطة للدوري يمشي بشكل منتظم وكأس مصر وأفريقيا قبل المنتخب.. أحنا ماشيين بشكل عشوائي والعملية مش متظبطة ده احنا مصر وعندنا خبراء كل الدنيا بتستفيد منهم”.
وواصل: “اللي سمعته وعرفته إن كيروش جه مسك منتخب مصر مجاملة عن طريق وكيل محمد صلاح”.
وأردف: “أنا مش محطوط في الصورة خالص عند الاتحاد وده شيء غريب.. واحد واخد 3 بطولات أفريقيا مع زملائه في الجهاز ويمشوه كان شيء غريب.. هما شايفين إن خلاص راحت عليا وأنا مش زعلان”.
وأكمل: “محمد صلاح؟ اللي بيقدمه مع ليفربول معروف وهو نجم من نجوم العالم.. بس منعتمدش على صلاح عشان يجيب مدرب لو الكلام اللي بيتقال صح.. محمد صلاح مقدمش حاجة لمنتخب مصر كان لازم يقدم أكثر من كده بكتير”.
واستطرد: “أتمنى الزمالك يكسب الدوري السنة دي كمان”.
وأوضح: “مينفعش أجيب مدرب لمنتخب مصر مش واخد بطولة حتى ولو بطولة محلية.. أزاي هيتعود على البطولات ويبقى عايز ياخد بطولات؟”.
وأتم: “إيهاب جلال اتظلم في منتخب مصر.. وبقوله ميفقدش الثقة في نفسه أبدًا لأن الوضع اللي اتحط فيه مينجحش حد”.
