رسميًا.. صلاح أمين يُعلن اعتزاله كرة القدم

أعلن صلاح أمين نجم الانتاج الحربي والمقاصة السابق اعتزاله كرة القدم بشكل نهائي، بعد مسيرة طويلة لعب خلالها للعديد من الأندية وتحت قيادة الكثير من المدربين وحقق نجاحات عديدة في ملاعب الساحرة المستديرة.

وكتب صلاح أمين عبر حسابه الرسمي على موقع التواصل الاجتماعي “فيسبوك”: “قرار الاعتزال: مشوار طويل جداً وسنين لعب كتيرة جداً ، لبست تيشرتات أندية كتير وإتشرفت باللعب تحت قيادة مدربين محترمين وزاملت لعيبة محترمة كتير ، لكن أكيد مهما طال عُمر لاعب الكورة هيجي وقت ولازم يعتزل ، هيجي وقت وهيبقي مسئول لكن مش جوة الملعب ، الوقت ده جه دلوقتي”.

وأضاف: “قررت أعتزل وحاسس إني أديت مهمتي كلاعب كرة قدم علي أكمل وجه ، عمري ماكنت بتاع مشاكل ولا عمري أذيت لاعب ، كنت دايما بحب الخير لزمايلي المهاجمين قبل المدافعين”.

وتابع: “عايز أشكر كل نادي تواجدت فيه وإتشرفت باللعب فيه ، عايز أشكر كل لاعب زاملته ، عايز أشكر كل لاعب كان منافس ليا في الفرق الأخري ،عايز أشكر كل إعلامي إتكلم عليا سواء إنتقدني أو مدحني، وطبعاً بشكر كل جماهير مصر اللي كانت خير دعم وسند وكنت بشوف مظاهر الحب في كلامهم ونظراتهم بالرغم من إني ملعبتش أهلي وزمالك”.

وأتم تصريحاته: “في النهاية تركت الملعب كلاعب ودلوقتي بقيت مدرب و إن شاء الله أقدر أعمل حاجة كويسة في اللي جاي … إدعولي”.