أول رد فعل من كريم فؤاد بعد تأكيد إصابته بالرباط الصليبي
أعلن الدكتور أحمد جاب الله، طبيب الفريق الأول لكرة القدم بالنادي الاهلي، عن إصابة كريم فؤاد لاعب الفريق بقطع في الرباط الصليبي.
وكان كريم فؤاد قد تعرض للإصابة في الشوط الأول من مباراة سموحة الأخيرة، حيث غادر المباراة مباشرة بعد إصابته.
وفي أول رد فعل له، قال كريم، عبر حسابه الرسمي على “فيسبوك”:كل خسارة دُونَ الجنة، فهي دُون”.
وأضاف: “اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها ، ودا بيكون إختبار ليك هتعمل ايه في الموقف دا ، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا”.
وتابع: “وأنا كان مكتوبلي اصابة في الرباط الصليبي للمره التانيه ، بس عندي احساس تاني خالص مع الإختبار دا، أنا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن أحسن”.
وأردف: “عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني”.
