تعليق ناري من نجم الزمالك السابق بعد التعادل مع بيراميدز

هاجم أحمد عيد عبد الملك، لاعب الزمالك السابق، أداء لاعبي الفريق الأبيض في مباراة اليوم ضد بيراميدز في افتتاح مشوار الفريق في بطولة الدوري المصري 2023 – 2024.

وكتب أحمد عيد عبد الملك، عبرحسابه الرسمي على موقع “تويتر”: “مين دول !!45 دقيقة بيراميدز بيتمرن والزمالك بيتفرج لا هما قادرين يضغطوا ولا يلعبوا”.

وأضاف: “هذا بسبب الـ ١٢ يوم بتوع فترة الإعداد اللي اللاعيبة متلحقش حتي تشم نفسها بالاضافة لضعف كواليتي الكباتن، والله في فرق في الدرجات الادني يبقي ماتش النهاردة بالنسبالهم عادي ورايح جاي!!”.

اقرأ أيضًا – خناقة شوارع بعد تعادل الزمالك وبيراميدز في الدوري الممتاز

وواصل: “الراجل مغير 7 لاعيبين من الماتش الي فات بردو ده بيهرج طالما الموسم هربان كدة من بدري هاتو حد يلعب علي قد الامكانيات”.

وأكمل: “خلاص وبالشكل ده حتي مش هتبقي في نص الجدول ولا هتصعد الماتش الجاي في الكونفدرالية ربنا يكون في عون الجمهور والله.. ‏هو النادي حالياً محلتوش غير جمهوره بس !!”.

وحسم التعادل الإيجابي 2-2 نتيجة مباراة الزمالك وبيراميدز في الجولة الأولى من بطولة الدوري المصري.