“دوري تعبان”.. ميدو يفتح النار على مسؤولي الكرة في مصر
هاجم احمد حسام ميدو نجم الزمالك السابق مسؤولي اتحدا الكرة، بسبب الأزمات التي يشهدها الدوري المصري.
وكتب أحمد حسام ميدو عبر حسابه الشخصي على موقع التواصل الإجتماعي “إكس”: “الموسم المحلي راجع تاني شوية اشخاص اتغيروا لكن نفس منهج الغباء ماتغيرش منه حاجه شايف ان في محاولة لتذكير الجماهير بمنهج الغباء..اوعوا تنسوا يالا انت وهو ان احنا فشله وأغبيا افتكر كويس انت بتتعامل مع مين!!”.
وتابع نجم الزمالك السابق: “الموسم هيبدأ من غير اي تغيير في لائحة الانظباط والاخلاق والحاج قاعد على المكنه بيفصل أسابيع الدوري..الجديد بقى ان المنتخب بقى بيشحت لاعيبته والإعلام بقى بيبرر للكلام ده عادي!! دي بقى مرحلة جديدة من البجاحة!!”.
أقرأ أيضاً- أرتا سولار الجيبوتي يرفض طلب الزمالك قبل مواجهة دوري أبطال إفريقيا
واضاف: “انا كنت فاكر ان ليڤيل ان منتخب مصر يبقى بيشحت لاعيبته جاي بعد ٥٠ سنه وكان عندي أمل كبير ان ان شاء الله هموت قبل العمر ده لكن احنا اتطورنا بسرعة جدا ك..الحمد لله احنا جامدين جدا”.
واكمل: “غير مقبول لا من الزمالك ولا من الاهلي ولا حتى مارسيليا انه يساوم المنتخب بلاعيبته وأي حد يطلع في الاعلام يقول غير كده يبقى ضلالي..الأولوية لمنتخب مصر.. مصر فوق الجميع”.
غير مقبول لا من #الزمالك ولا من #الاهلي ولا حتى #مارسيليا انه يساوم المنتخب بلاعيبته وأي حد يطلع في الاعلام يقول غير كده يبقى ضلالي..الأولوية لمنتخب مصر.. مصر فوق الجميع
— Mido (@midoahm) August 31, 2023
واختتم تصريحاته قائلاً: “والله العظيم نفسي أقاطع الدوري المصري ده كورة تعبانه وملاعب تعبانه ونقل تليفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد!!”.
