أفشة يوجه رسالة لجماهير الاهلي بعد انتهاء الموسم: كلامكم شحن البطارية

وجه محمد مجدي أفشة لاعب النادي الاهلي، رسالة إلى الجماهير بعد انتهاء الموسم الرياضي الجاري 2022-2023، وحصولهم على راحة بقرار من الجهاز الفني.

وأنهى الاهلي منافسات الموسم الجاري، بعد مباراته مع المصري البورسعيدي في دور ربع نهائي كأس مصر، وحجز مقعده في نصف النهائي لمواجهة إنبي.

وكتب أفشة عبر صفحته الرسمية على “فيس بوك”:” الحمدلله نهاية الموسم على خير، واحد من أصعب المواسم وأكثرها ضغط انتهت بأن الاهلي دائما كسبان “.

وأضاف لاعب الاهلي:” موسم كان فيه لحظات فيها قلق وتوتر نفسي، تراجع ذهني ووجع قلب بعيد عنكم، الاستسلام كان حل سهل بس للأسف أنا معرفوش كل ما ضاقت أكثر كل ما كنت اشتغل أكثر “.

وتابع:” تمرين فوق التمرين تركيز على التركيز هدف واحد بس أوعى تسيب لحظة في النادي الاهلي متحطش اسمك فيها، كل حاجة بتتعوض إلا الزمن “.

وأردف:” الحمدلله 12 بطولة مع الاهلي 14 صناعة هدف، 22 فرصة محققة، نسبة مشاركة تخطت الـ 70%،؜ وللسنة الرابعة على التوالي أكثر لاعب مساهمة في أهداف النادي، فضل ربنا ودعم زمايلي في الفريق “.

وواصل أفشة:” سمعت كلام كثير محبط ومش حقيقي مش هقول ظالم، بس أقل حاجة يزعل، عموما ده ضمن الباكيج مفيش حلاوة من غير نار، الكلام ده حرفيًا كان هو النار اللي بتخليني عندي إصرار أكثر وغيرة ورغبة أن أكون أقوى من أي كلمة اتقالت “.

واختتم:” في نهاية الموسم شكرا لكل اللي انتقد سواء سلبي او إيجابي كلامكم شحن البطارية.. ووقت الإجازه وضميري مرتاح علشان فعلا تعبت جدا السنه دي “.