نجم الاهلي يفتح النار بسبب أحد صفحات السوشيال ميديا.. بتوع رشاوي

شن اللاعب أحمد عبد القادر نجم النادي الاهلي هجومًا قويًا على أحد الصفحات الجماهيرية التابع للمارد الأحمر على موقع التواصل الإجتماعي “فيس بوك”.

وكتب أحمد عبد القادر عبر صفحته الرسمية على “فيس بوك”: “جمهور الاهلي أكبر منكم يا شويه هايفين ياللي بتقبضوا الفلوس علشان تعلو ده وتوطو ده أنا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه”.

وأضاف ” جو الأدمن بتاعكو والفلوس اللي بتتوزع عليكم وقدام عيني وحد عرض عليا أعمل حملات هجص ولقطه وهنعليك وهنخليك في السما دا مش عندي”.

اقرأ أيضًا : رسالة مثيرة من كهربا بعد إيقافه 6 أشهر جديدة بسبب غرامة الزمالك

وتابع ” أنا ربنا بيكرمني علشان أنا عارف أنا بتعب ازاي وهفضل طول عمري شريف مش بتاع ألف والفين جنيه أبيع بيهم كرامتي فا بلاش انتو علشان انتو لا تمسو للنادي الاهلي باي شئ”.

وأكمل:” النادي الاهلي أكبر نادي في العالم مش في مصر فا اللي أنتو عاوزينه ده مبعملوش والاجازه يا انا يصفحاتكو اللي كلها نفاق ورشاوي وبقولها لأخر مره أنا بتاع شغل مش بتاع رشاوي”.

وواصل ” ” وبعدين لقطه ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كاملة وأكتر ويشتم أهلك تقولي رد في الملعب”.

وأنهى حديثه ” ولما ترد يقولك متركزش معاهم مين قال أنهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل وجمعه مباركة”.