رجب بحة يكذب مرتضى منصور بعد اتهامه بـ”السحر” في قمة الاهلي والزمالك.. فيديو
رد رجب محمد الشهير بـ”رجب بحة” على الاتهامات التي وجهها إليه مرتضى منصور رئيس نادي الزمالك، بأنه قام بأعمال السحر لمساعدة الاهلي للفوز في القمة 126.
وكان مرتضى منصور نشر صورة “رجب بحة” أمس وأكد أنه السبب وراء خسارة الزمالك أمام الاهلي بعد قيامه بأعمال السحر والشعوذة خلال مباراة القمة بين الفريقين.
اقرأ أيضًا..
الاهلي يرد على تصريحات مرتضى منصور عن السحر بطريقة ساخرة
ونشر معلق قناة الاهلي تامر عبد السلام مقطع فيديو لـ رجب بحة يرد فيه على اتهامات مرتضى منصور.
وقال “بحة” في الفيديو: “بسم الله الرحمن الرحيم. أنا رجب محمد محمد شحاتة. سيادة المستشار بيتهمني إن أنا بسحر، وأنا راجل أمي، وراجل لا بعرف أسحر ولا بعرف أعمل أي حاجة”.
وأضاف رجب بحة: “قسمًا بالله العظيم أنا ولا بعرف أعمل حاجة من الحاجات دي. واللي بيعمل الحاجة دي أصلا بيبقى راجل مشرك بالله. والإشراك بالله ده بيبقى لناس ربنا نزع من قلوبهم الرحمة”.
وتابع ردًا على تصريحات مرتضى منصور: “أنا راجل شغال عامل وأرزقي. يعني لو تيجي حضرتك تتفرج على المعيشة اللي إحنا عايشينها، أو البيت اللي أنا عايش فيه، مش هترضاه أنت نفسك”.
وأردف: “سمعتي وسمعة ولادي، وحرام عليك لما تشوه سمعتي بالطريقة دي.. أنا أصلًا حافظ القرآن الكريم”.
ودافع عنه في نفس الفيديو صديق يجلس إلى جواره، قائلًا: “ده راجل معاه عيال ومعاه بنات ومعاه أسرة، إزاي كده!.. بقى هو دا اللي هيخلي الزمالك يتغلب 4 – 1”.
