انتقد جمال عبد الحميد عضو مجلس إدارة نادي الزمالك، البرتغالي مانويل جيسوالدو فيريرا المدير الفني للفريق الأول لكرة القدم بالنادي، بعد الفوز الباهت على فلامبو في ذهاب دور الـ32 من بطولة دوري أبطال أفريقيا.
وقال عبد الحميد في قناة الزمالك: “لوكنا بنلعب في تنزانيا وحققنا الفوز بهدف هنقول براڤو الجهاز واللاعبين على الفوز خارج الأرض لكن أنت بتلعب على أرضك”.
وواصل: “أنت المفروض بتلعب على أرضك وجايب لعيبة بملايين وأنت اللي مختارها، يجب إن تلعب طول الماتش علشان تنسجم، أنت عارف الناشئين لكن اللعيبة الجديدة لازم تنسجم أكتر وتكسب سكور”.
وتابع: “بعتب على فيريرا إن الصفقات اللي اختارها ملعبتش طول الماتش، المفروض يلعبوا وقت أطول لانهم جايين إضافة أغيرهم ليه؟”.
وأكمل: “الحمدلله على الفوز ولكن كان من المفترض نكسب بعدد من الأهداف خاصة وأنت بطل الدوري”.
وأردف: “أحنا دافعين ملايين في لعيبة جديدة، الزناري جايبه يقعد جانبك على الدكة هو ونداي تخرجه والوردي؟”.
وتابع: “اللي مزعلنا كمجلس إدارة أنا بعملك كل اللي أنت عاوزه وبريحك، المفروض يكون في أفضل من كده، ونقولك معسكر في الإسكندرية لحد ماتش العودة ترفض”.
وأتم: “النهاردة جرس إنذار فلامبو كان بيلعب دفاع، بطل الدوري لما يلعب في المسابقة المحلية، هيكون دفاع، فين اللي هخترق به؟ هنفضل طول الوقت مش عارفين نخترق، ونجيب الهدف من كرة ثابتة”.
من جانبه قال أحمد عبد الحليم محلل قناة الزمالك:؛ “النتيجة اليوم ومستوى الأداء غير مرضي، كنا نتوسم يكون أفضل والصفقات الجديدة يكونوا أفضل”.
وواصل: “سعداء بالنتيجة لكن سعادة غير مكتملة، كنا نتمنى يكون الأداء أفضل من اللاعبين والجهاز الفني”.
وقال عبد الحليم علي: “الزمالك كان مسيطر، ومنحت الصفقات الجديدة فرصة، المفروض أمنحهم وقت أطول، من الصعب إن نحكم عليهم من مباراة ولكن كان يلعبوا وقت أطول لتحقيق انسجام مع باقي الفريق”.
وأكد العندليب: “ليس معنى إن أوفرلك مباراة في القاهرة وتظهر بالشكل ده المفروض تديهم 3 أو 4″.
وأنهى: “أنا الزمالك ولازم أخوف الفرق، وده بيحصل بالاداء والأسكور، أنت جاهز ولعبت مباراتين رسميتين، وبوصل رسالة للجميع إن طموحاتنا البطولة الإفريقية”.